Definimi i termit "Ehli-Suneh"
Ehli Suneti është grupi më i madh islamik dhe përfaqëson tre të katërtat e muslimanëve në botë. Në fetva dhe taklid (imitim) ata u drejtohen katër Imamëve, themeluesve të medhhebit: Ebu Hanifes, Malikut, Shafiut dhe Ahmed ibn Hanbelit.
Më vonë, një grup që e quajti veten Selefi doli nga Ehli Suneti, mësimet e të cilëve u ripërtëriën nga Ibn Tejmije, kështu që ata e quajnë atë rivendosës të Sunetit. Pastaj erdhën vehabistët e shpikur nga Muhamed ibn Abdulvehabi, dhe ky është medhhebi saudit.
Të gjithë ata e quajnë veten Ehli Sunet dhe nganjëherë e shtojnë fjalën vel Xhemat, kështu që për ta thuhet Ehli Sunet vel Xhemat.
Përmes hulumtimit do të na sqarohet se të gjithë ata që i përkasin atij që e quajnë kalifat i të drejtëve apo kalifëve të drejtë, përkatësisht: Ebu Bekri, Umeri, Uthmani dhe Aliu (në hulumtimin që vijon do të na shpjegohet se Ehlul-Suneh vel Xhemati vetëm shumë më vonë e shtoi Ali ibn Ebi Talibin te tre kalifët e drejtë.) dhe kushdo që e pranon udhëheqjen e tyre, qoftë në kohën e tyre apo sot, ai është një sunit nga Ehlul-Suneh vel Xhemati.
Dhe kushdo që e refuzon kalifatin e tyre dhe e konsideron atë të paligjshëm, dhe pretendon se ishte Ali ibn Ebi Talibi që duhej të emërohej për kalif pas Profetit, paqja dhe mëshira e Allahut qofshin mbi të, është shia nga rafiditë.
Gjithashtu do të na shpjegohet se të gjithë sundimtarët, duke filluar nga Ebu Bekri dhe duke përfunduar me sundimtarin e fundit nga Abasitët, ishin të kënaqur me Ehli Sunetin dhe ishin plotësisht dakord me ta, dhe ata ishin të zemëruar dhe donin të hakmerreshin ndaj atyre. Të cilët u pajtua me Ali ibn To Ebi Talib, i cilit iu u betuan për besnikëri ndaj tij, e më vonë edhe bijëve të tij.
Në bazë të kësaj, Ali ibn Ebi Talibi dhe përkrahësit e tij nuk janë të përfshirë në Ehlul-Suneh vel Xhemat, dhe kështu krijohet përshtypja se nocioni Ehli Sunet vel Xhemat është vendosur kundrejt Aliut dhe përkrahësve të tij. dhe sipas besimit të tyre, ai është shkaku kryesor i ndarjes së umetit islam pas vdekjes së Profetit, paqja dhe mëshira e Allahut qofshin mbi të, në suni dhe shia.
Nëse kthehemi për të analizuar shkaqet dhe për të hequr velon, sipas burimeve të besueshme historike, do të shihnim se kjo ndarje u shfaq menjëherë pas vdekjes së Profetit, paqja dhe mëshira e Allahut qofshin mbi të. Situata po zhvillohej në mënyrë të favorshme për Ebu Bekrin, kur ai u emërua në postin e kalifit ndërsa në këtë ai u mbështet nga shumica e sahabëve. Kundërshtime pati nga Ali ibn Ebu Talibi, Benu Hashimi dhe një numër i vogël i sahabëve, shumica e të cilëve ishin skllevër të liruar.
Është logjike që qeveria në pushtet i dëboi këta duke i konsideruar braktisës të Islamit. Ata u përpoqën me të gjitha forcat të paralizojnë kundërshtarët e tyre me të gjitha metodat e mundshme: ekonomike, sociale dhe politike.
Dihet se Ehli sunnet vel xhemati sot nuk i njeh dimensionet politike që ndodhën në ato kohë, dhe shkallën e urrejtjes dhe armiqësisë që u shfaq në ato kohë të shëmtuara kur u bënë përpjekje për ta larguar dhe eliminuar personalitetin më të madh të historisë që ka njohur njerëzimi, pas të Dërguarit të Zotit, paqja qoftë mbi të. Ehli Sunet vel Xhemati sot konsideron ose beson se gjatë kohës së sundimtarëve të drejtë gjërat kanë ndodhur në mënyrën më të bukur dhe në përputhje me Kuranin dhe Sunetin dhe se ata u ngjanin engjujve, respektonin njëri-tjetrin, nuk kishte zili apo qëllime të këqija mes tyre.
Prandaj ne shohim se ata refuzojnë gjithçka që Shiat thonë për sahabët, në përgjithësi, dhe për Hulefai Rashidinët, në veçanti. Është sikur Ehlul-Suneh vel Xhemati nuk i lexojnë librat e shkruar nga ulematë e tyre, por janë të kënaqur me paraardhësit e tyre që lartësojnë të gjithë sahabët, veçanërisht Hulefai Rashidinët. Dhe sikur të hapnin sytë dhe zemrat e tyre dhe të kërkonin me kujdes historinë dhe librat e tyre të hadithit për të vërtetën dhe atë që është e drejtë, ata do të ndryshonin bindjet e tyre, jo vetëm për sahabët, por edhe për shumicën e vendimeve që ata i konsiderojnë të drejta.
Me këtë përpjekje modeste, përpiqem t'u shpjegoj vëllezërve të mi nga Ehli Suneti vel Xhemati disa fakte që mbushin librat e historisë dhe të nxjerr prej tyre tekste të përmbledhura dhe të qarta që hedhin poshtë gënjeshtrën dhe tregojnë të vërtetën. Ndoshta në këtë do të ketë shërim për përçarjen e muslimanëve dhe mospajtimin e tyre dhe do të ndikojë në unitetin e tyre.
Siç e dimë, sot Ehlul-Suneh vel Xhemati nuk janë të njëanshëm dhe nuk janë kundër Imam Aliut dhe Familjes së nderuar të Profetit. Përkundrazi, ata i duan dhe i respektojnë, por në të njëjtën kohë i duan dhe i respektojnë armiqtë e Ehli Bejtit dhe i ndjekin ata duke e shprehur me fjalët: “Të gjithë kanë marrë nga i Dërguari i Zotit”.
Ehlul-Suneh vel Xhemati nuk i përmbahet parimit të ndjekjes së të dashurit të Allahut dhe heqjes dorë nga armiqtë e Allahut. Ata tregojnë dashuri për të gjithë. Ata shprehin kënaqësi me Muavije ibn Ebi Sufjanin, ashtu siç e shprehin për Ali ibn Ebi Talibin.
Ata janë verbuar nga emërtimi mahnitës Ehli Sunetit vel Xhemat dhe nuk e dinë se sa intriga të fshehta dhe urrejtje të fshehura të arabëve dinakë fshihen nën petkun e këtij nocioni. Po, sot ata e dinë se Ali ibn Ebi Talibi është mishërimi i Sunetit të Muhamedit s.a.v.a, se ai është dera nga e cila hyhet për të arritur në Sunet, ndaj ata do t'i kundërshtojnë dhe do t'i rishikojnë qëndrimet e tyre dhe do ta hulumtojnë këtë çështje me seriozitetin e duhur. Kur zbuloni se Ehli Suneti në të vërtetë janë përkrahësit e Aliut dhe të Profetit, paqja qoftë mbi të, atëherë duhet të zbulohet ai komplot i madh që luajti një rol të rrezikshëm në largimin nga Suneti i Profetit, duke e zëvendësuar atë me bidatet e xhahilijetit, shkaktoi dekadencën e muslimanëve dhe devijimin e tyre nga rruga e drejtë, përçarjen dhe mospajtimet mes tyre, madje duke e quajtur njëri-tjetrin të pafe dhe duke vrarë njëri-tjetrin.
E gjithë kjo shkaktoi një regresion shkencor, dhe në fund të fundit nënshtrim nga të tjerët, dhe më pas ata u poshtëruan dhe turpëruan.
Pas këtij ekspozimi të shkurtër të përkufizimeve të termave shia dhe suni, duhet të theksojmë se shia nuk nënkupton kundërshtarin e sunetit, siç u duket disa njerëzve të zakonshëm, kur thonë se ne jemi Ehli Sunet, duke i konsideruar gjithë të tjerët se janë kundër Sunetit. Shiat nuk do të pajtoheshin kurrë me këtë. Shiat në anën tjetër besojnë se ata janë të vetmit që i përmbahen Sunetit të saktë të Profetit, sepse i qasen atij nga porta, dhe ai është Ali ibn Ebi Talibi. Dhe nuk ka asnjë derë tjetër përveç tij dhe sipas mendimit të tyre nuk mund të arrihet tek Profeti përveçse nëpërmjet Imam Aliut.
Si zakonisht, në synimin tonë për të qenë objektivë për të arritur të vërtetën, ne do të ecim përkrah me lexuesin, duke i paraqitur disa ngjarje historike, duke i paraqitur atij dëshmi se shiat janë ithtarë të sunetit, siç tregon edhe titulli i librit. Dhe pas kësaj do t'i lëmë atij lirinë e zgjedhjes dhe interpretimit.