Për predikimin dhe këshillimin
Zoti e bekoftë atë që u vë veshin punëve të urtësisë, që bën pas tyre kur e flasin në udhën e drejtë e që futet në të, duke i shkuar prijësit pas e duke u kapur pas brezit të tij, deri sa të
gjejë shpëtim. Ai e ka Zotin përherë në sy dhe u trembet mëkateve ndaj Tij, vepron me sinqeritet dhe shpalos virtyte, fiton thesarin e mirësive të qiellit, dëbon vesin, shikon drejt qëllimeve të
mira dhe korr shpërblimin hyjnor, u bën ballë ambicieve të tij dhe i flak tutje shpresat false, e bën qëndresën mjet shpëtimi e devocionin pasuri për pasvdekjen, ecën në rrugën e nderit e s’i
ndahet së vërtetës, dhe e përdor mirë kohën e nxiton drejt fundit duke marrë me vete frytet e veprave të mira.
