Ligjërata 60

Kur mbaroi beteja me harixhitët, Imam Aliut i prunë lajmin e shfarosjes së tyre të plotë. Imam Aliu tha:

Jo, ende jo. Ata mbeten ende në kryqet e burrave dhe në ijet e grave. Sa herë që do të ketë për ta një prijës, do vritet bashkë me ta, deri sa më të fundmit e tyre të për fundojnë hajdutë dhe grabitës.

___________

(Kjo profeci e Imam Aliut doli e vërtetë fjalë për fjalë. Të gjithë prijësit e harixhitëve, që u ngritën në rebelim, u vranë nga shpata. Më poshtë po japim emrat e disave prej atyre që patën një vdekje veçanërisht të shëmtuar: Nafi bin Izrak: Me emrin e tij është quajtur grupi më i madh i harixhitëve, Azarike. Ai u vra nga Seleme Bexheli gjatë ndeshjes me ushtrinë e Muslim bin Ebisit. Nexhda bin Amir: Harixhitët e Sektit të Nexhdatëve e kanë emrin prej tij. Është vrarë nga Ebu Fedik Kharixhi. Abdullah bin Ibad: Sekti Ibadie’ e ka marrë emrin prej tij. U vra në ndeshje me Abdullah bin Muhammed bin Atixhan. Ebu Beihes Hisham bin Xhabir: Sekti Beihesia mban emrin e tij. Uthman bin Xhabani, governator i Medinas, i preu në fillim këmbët e duart, pastaj e vrau. Urwe bin Udeje: Ziadi e vrau gjatë sundimit të Mu’avies. Kutre bin Fexhah: E vrau Suare bin Ebxhar Darimi, kur u ndesh me ushtrinë e Ebu Sufian bin Abradit në Taberistan. Shuzab Kharixhi: U vra në një përpjekje me Sa’id bin Amr Harshin. Huthare bin Wida Asadi: U vra nga një anëtar i fisit Taj.)

Mustaurid bin Urfa: U vra nga Mekil bin Kejsi gjatë mbretërimit të Mu’avies. Shebib bin Jezid Kharixhi: Vdiq i mbytur në lumë. Imran bin Harb Sarasibi: U vra në betejën e Dulebit. Zahhaf bin Taji: U vra në ndeshje me fisin Tahia. Zubeir bin Ali Seliti: U vra në ndeshje me Etab bin Varka. Ali bin Beshiri: U vra nga Haxhxhaxhi. Ubeidullah bin Hune Beshiri: U vra në ndeshje me Muhilb bin Ebu Safera. Abdullah bin el-Mahudh: U vra në betejën e Dulebit. Ubeidullah bin el-Mahudh: U vra në ndeshje me Etab bin Warkan. Ebul Wade: Mbeti i vrarë në vend kur dikush rrëzoi mbi të një mur të varrezave të f isit të Jeshkarëve. Ubeidullah bin Jahja el-Kindi, Muhtar bin Auf Ezdi, Abrahah ibn Sabah dhe Balxh ibn Ukbah Esedi u vranë nga Muhammed bin Atijje gjatë mbretërimit të Merwan bin Mu hammedit (kalifi i fundit Umejjad).