Kur dëgjoi thirrjen e harixhitëve ‘Vendimi është vetëm i Zotit’, Imam Aliu tha:
Shprehja është e drejtë, por është e gabuar ajo që kuptojnë ata me të. Sigurisht, vendimi i takon vetëm Zotit, po ata mendojnë se edhe qeverisja e njerëzve duhet të jetë punë e Zotit dhe jo e vet njerëzve. Është fakt që njerëzit s’i shmangen dot qeverisësit, i mirë apo i keq qoftë. Besimtarët bëjnë veprime të mira nën çdo qeverisje, ndërkohë që të pafetë vetëm sa gjuajnë të mirat e kësaj bote.
Nën një qeverisje të mirë, çdo gjë shpihet deri në fund, në e dashtë Zoti. Përmes saj mblidhen taksat, luftohet armiku, mbrohen udhët e karvaneve dhe i merret të fortit e drejta e të dobëtit, deri sa të virtytshmit të gëzojnë paqe e t’u sigurohet mbrojtje nga dhuna e të ligjve.
Një tjetër version:
Kur dëgjoi sloganin e harixhitëve për vendimin e marrë, Imam Aliu tha: Unë jam në pritje të vendimit të Zotit për ju.
Pastaj vazhdoi:
Njeriu i përkushtuar kryen punë të mira nën një qeverisje të mirë, kurse njeriu me vese e do qeverisjen e keqe sepse i gëzohet kësaj bote, deri sa koha e tij mbaron dhe vjen vdekja dhe e merr.