Rreth paaftësisë së Makhzumit për të mbajtur predikim. Rëndësia e përmba jtjes ndaj së vërtetës
Kini parasyshI që gjuha është një pjesë e trupit të njeriut. Në qoftë se njeriu përmbahet e tutet, të folurit s’punon dot bashkë me të. E nëse di t’i shtjellojë gjërat gjerë e gjatë, të folurit
s’i jep më kohë që të ndalë. Sigurisht ne jemi zotër të fjalës. Në ne rrjedh gjaku i saj dhe mbi ne hijesojnë degët e saj. Zoti pastë mëshirë për ju. Dijeni se po jetoni kohë të trishta, kur
folësit e së drejtës janë të paktë, kur gjuhët s’janë të prirura të thonë të vërtetën dhe kur përkrahësit e saj neveriten e poshtërohen.
Njerëzit e kësaj kohe janë zhytur në mosbindje e mëkatim. Rinitë e tyre janë plot vese e pleqëritë e tyre plot mëkat; të mësuarit e tyre janë hipokritë dhe oratorët e tyre janë lajkatarë e sahan
lëpirës; ndërsa djelmoshat e tyre nuk i nderojnë më të moshuarit e të pasurit e tyre nuk u vijnë më në ndihmë të skamurve.
___________
(Një herë Imam Aliu i tha Xha’de bin Hubejres1686 të mbante një predikim. Por kur ai u ngrit për të folur, gjuha i ngriu në gojë e nuk mundi të shqiptonte
një fjalë. Atëhere Imam Aliu u ngjit në katedër dhe mbajti një fjalim të gjatë, nga i cili Sejjid Raziu ka regjistruar vetëm dy fragmente.)
