Mbi ofertën që iu bë Imam Aliut për Kalifatin. Një ligjëratë e ngjashme është regjistruar edhe më parë, por në një tjetër version
Ju ma morët dorën për të bërë mbi të betimin tuaj të besnikërisë, po unë e hoqa mbrapsht; e ju e rrëmbyet përsëri, dhe unë prapë e tërhoqa. Pastaj u mblodhët rreth meje si mizë lisi, si ato
gamilet e thara nga etja kur u vë për para një fuçi të vetme uji, e ishit aq të zellshëm, sa mend më shqyet sandalet dhe ma shqitët mantelin nga supet dhe i shkelët me këmbë të pafuqishmit; ishit
aq dukshëm të lumtëruar për besnikërinë tuaj ndaj meje, sa ndiheshin të gëzuar për të edhe fëmijët. Të moshuarit më aviteshin me këmbë të dredhura të më jepnin besimin e të sëmurët më vinin me
shpirt ndër dhëmbë të më jepnin besën, ndërsa vashat e reja dolën nxitimthi nga shtëpitë, duke harruar të vinin edhe velat në fytyra.
