Çfarë u thoshte zakonisht Imam Aliu shokëve të tij duke i paralajmëruar për rreziqet e Ditës së Gjykimit
Zoti ju mëshiroftë. Siguroni vetveten për udhëtimin, se tashmë është njoftuar thirrja për t’u nisur. Shikojeni si shumë të shkurtër qëndrimin tuaj në këtë botë dhe rikthehuni tek Zoti me zahiretë
më të mira që keni, sepse përballë jush keni një luginë të vështirë për t’iu ngjitur dhe vendqëndrime plot tmerre e rreziqe. Por ju duhet të arrini në to e të kaloni nëpër to. Dijeni që sytë e
vdekjes po ju zhbirojnë qysh tani. Është njësoj sikur të jeni në gjurmët e saj dhe ajo të kthehet papritmas e të përplaset pas jush. Te kjo ndeshje ju shpien punët e vështira e rreziqet e mëdha,
prandaj ndërprisni të gjitha lidhjet e kësaj bote dhe ndihmojeni veten me zahiretë e frikës ndaj Zotit. Sejjid Raziu thotë: Një pjesë e kësaj ligjërate është cituar dhe më përpara gjatë një
rrëfimi tjetër.
