Për dy arbitrat, pas betejës së Siffinit
Ju, o njerëz, vendosët të zgjidhnit dy persona e ata na u zotuan që do vepronin në pajtim me Kur’anin dhe nuk do binin në gabime, që gjuha e tyre do t’i përmbahej Kur’anit e që zemrat e tyre do
rrihnin me ritmet e tij. Po ata nuk e përfillën fare e braktisën çdo gjë që ishte e drejtë, ndonëse të drejtën e kishin përpara syve. Dëshira e tyre ishte të bënin keq dhe sjellja e tyre ishte
rrugëhumbëse, ndonëse ishim marrë vesh të vendosej me drejtësi dhe të veprohej në të mirë të çështjes së Islamit, pa ndërhyrje të pikëpamjeve të
gabuara apo të prirjeve për gjykim të padrejtë. Por tani që e braktisën kursin e së drejtës dhe morën anën e së kundërtës së asaj që ishte vendosur, ne kemi një arsye të fortë për ta hedhur
poshtë vendimin e tyre.
